Archivo de la categoría: Lei Wert
Folga 9 de marzo
Folga 9 de marzo
Adiantámosvos que as organizacións integradas na Plataforma en Defensa do Ensino Público de Galicia (na que está a Federación Provincial de ANPAS da Coruña) convocan folga xeral en todos os sectores educativos para o día 9 de marzo, pola pasividade no traballo para acordar unha nova Lei Educativa.
Folga do 26 outubro
Estimadas ANPAS.
Como diciamos en comunicacións anteriores, o día 26 está convocada unha folga de estudantes en protesta polas reválidas cuestionadas por toda a Comunidade Educativa, e en contra da LOMCE. As familias debemos apoiar esta convocatoria de folga xa que pon en perigo o futuro dos noso fillos e fillas, supeditando o futuro do alumnado a unha proba inxusta e innecesaria polas razóns que expomos no comunicado que xuntamos.
Pedimos a todas e todos vos que fagades exposición pública nas vosas páxinas webs, redes sociais, nos medios que utilicedes habitualmente para comunicarvos coas familias, na procura de facer a máxima difusión posible do apoio das nais e pais a esta convocatoria de folga.
Moitas grazas. Un saúdo
Xunta Directiva Federación Prov. de ANPAS de Centros Públicos da Coruña.
Concentración 27 de xuño
¿Por qué estamos en contra da Lai Wertz?
1. Aumenta a ratio por aula tanto en primaria como en bacharelato nun 10 %.
2. Establece unha proba, similar ás antigas reválidas en 3º e 6º de primaria, finais da ESO e o Bacharelato.
3. Porque abre a porta definitivamente á privatización do ensino público.
4. Porque deixa sen efecto a actual obriga da administración de ofrecer unha praza na escola pública, a todo cidadán que o solicite para o seu fillo. Basta con que se ofreza unha praza dun centro concertado, sexa ou non relixioso.
5. Equipara os centros educativos a empresas. Considérase ao Director un Xerente da escola, que so debe dar explicacións á administración. . O Xerente será o encargado de contratar os servizos do centro coas diversas empresas de recursos, tecnoloxías, infraestruturas e persoal docente.
6. Reduce aínda máis a representación de pais e profesores nos Consellos Escolares e tamén a potestade deste órgano no funcionamento das escolas.
7. Blinda os concertos para colexios que segregan por sexo. Segrega e finalmente expulsa o alumnado con problemas de aprendizaxe.
8. Dificulta a obtención do título de graduado en ESO ao alumnado de FP básica. En caso de ter aprobado todos os exames dos tres cursos da ESO o estudante non contará co título se non aproba a reválida, aínda que non teña interese en seguir co Bacharelato.
9. Rebáixase ao 40% a incidencia da media para acceso á Universidade e desaparece a existencia dunha proba igual, para centros públicos, privados ou concertados. Faranse probas a determinar con avaliación en cada centro. As notas do centro de procedencia, sen control administrativo no caso dos colexios e institutos privados e concertados, contarán un 60% para fixar a nota de acceso á Universidade. Non se fala de quen fará a avaliación, en última instancia, do funcionamento dos centros.
10. Dota de presuposto aos centros en función dos proxectos non das súas necesidades pedagóxicas e sociais.
11. Considera avaliable a materia de Relixión e considera competencia das autoridades relixiosas tanto o temario como o profesorado.
12. Fai desaparecer a materia de Educación para a Cidadanía.
13. Pon as bases para cuestionar no futuro o ensino das linguas propias de comunidades autónomas. A única lingua vehicular no ensino será con esta lei o español. O galego, o vasco e catalán non teñen esa consideración.
14. Foméntase a inequidade e a competencia entre todos os centros.
A Lei Wertz foi aprobada polo Consello de Ministros o pasado 17 de maio. Segue o seu trámite parlamentario. O proxecto do goberno é que entre en vigor no 2014 .
Acto informativo da LOMCE
As ANPAs de Oleiros, coa colaboración do Concello de Oleiros, e a participación da Federación Provincial de Anpas, CONFAPA Galicia e a Plataforma en Defensa do Ensino Público, presentarán un acto informativo en torno á LOMCE no Auditorio de A Fábrica, de Perillo, o vindeiro mércores 5 de xuño ás 19:30 horas.
Trátase dun acto no que diferentes membros das organizacións integrantes da Plataforma en Defensa do Ensino Público ofrecerán unha charla informativa sobre o contido e o estado actual da LOMCE, así coma unha presentación do calendario de mobilizacións previstas a nivel autonómico e estatal para o vindeiro mes de xuño en defensa do ensino público e contra a LOMCE e os recortes en materia de educación.
Asemblea de Oleiros na Defensa do Ensino Público
Próximo luns día 13 de maio no CEIP Luis Seoane de Mera ás 18:30 h
A orde do día é a que sigue:
– Avaliación das últimas accións da asemblea e actuacións a planificar a partir do día 13.
Documentos LOMCE
A CONFAPA acheganos estos documentos en relación coa LOMCE