Obradoiros de mellora da comunicación familiar

Comparte

Banco de libros Curso 2017/2018

Estimadas familias,

Este curso a ANPA OS PAZOS continúa coa campaña de intercambio de libros de texto, que funcionará de xeito simultáneo co banco que organiza a Xunta de Galicia, xestionado pola Dirección do instituto.

Lembrade que as familias beneficiarias do Fondo Solidario de Libros de Texto da Xunta e as que os mercaron co “cheque” da Xunta están obrigados a entregalos no centro (agás os das materias suspensas, que os poderán conservar ata setembro).

As familias propietarias de libros de texto que desexen doalos ao banco da ANPA poderán deixalos nos días e datas que se detallan a continuación:

– RECOLLIDA DE LIBROS DO CURSO QUE REMATA

Os libros de 1º,2º, 3º e 4º de ESO (non se van recoller os de bacharelato) poderán deixarse na aula de titorías (planta baixa ao lado da fotocopiadora) os días 26 de xuño en horario de mañá e o 27 de xuño de 16:30 a 18:30. Este ano non funcionará o banco de libros para os alumnos e alumnas de bacharelato.

SOLICITUDE DE LIBROS PARA O PRÓXIMO CURSO

Coa finalidade de poder preparar os lotes de libros da mellor forma posible, é necesario que todas as familias solicitantes cumprimenten o documento adxuntomarcando cales son os libros que se entregan e os que se solicitan, xa que, debido á optatividade ofertada polo centro, non todo o alumnado cursa as mesmas materias.

CRITERIOS DE ADXUDICACIÓN

-En 1º ESO: Terán preferencia na adxudicación aquelas familias que fixesen entrega dos libros de 6º de primaria no seu centro de procedencia (CEIP Isidro Parga Pondal e/ou CEIP Luis Seoane)

-En 2º, 3º e 4º da ESO: os libros da ANPA repartiranse, en función da dispoñibilidade, entre aquelas familias que fixeran entrega dos libros ao banco da ANPA.

– RECOLLIDA DE LIBROS PARA O PŔOXIMO CURSO

Poderase pasar a recoller os libros adxudicados o  29 de xuño en horario de 16:30 h a 18.30 h.

Unha persoa pode recoller libros para outra, se conta cunha autorización escrita.

Os libros solicitados que non se recollan neste prazo, poderán ser retirados por calquera outra persoa o mesmo 29 de xuño de 18.30 a 19.00h.

No mes de setembro, unha vez coñecidas as cualificacións, habilitarase un novo prazo de recollida e adxudicación de libros. Estade atentos á nosa páxina web, nela iremos anunciando novidades ao respecto.

Calquera dúbida podedes consultárnola a través do noso correo: info@anpaospazos.es

Recibide un cordial saúdo

A directiva da ANPA OS PAZOS

Comparte

Actividades extraescolares curso 2017/2018

Dende o ANPA “Os Pazos” estamos estudando a posibilidade de iniciar para curso 2017/2018 novas actividades extraescolares. Necesitamos coñecer os vosos intereses para poder ofertalas e facer os grupos.

Gustaríanos que os/as interesados/as en participar nestas actividades marcásedes as vosas preferencias neste formulario e entregásedes a folla canto antes na Secretaría do centro ou no buzón da ANPA.

As actividades a elexir son:

OBRADOIRO DE TEATRO (martes e mércores 16:30 a 18:00). 15 € ao mes socios /20€ ao mes non socios

INGLÉS (martes 16:30 a 17:30. Unicamente para alumnos/as de 1º e 2º da ESO) 15 € ao mes socios /20€ ao mes non socios

TÉCNICAS DE ESTUDO (Están pendentes de concretar tanto os horarios como os prezos, porén prevemos que sexan similares aos das outras actividades)

Comparte

Prestacións de apoio á escolarización

Publicáronse no BOP da Coruña as bases e a convocatoria para as Prestacións de apoio á escolarización do Concello de Oleiros para o curso 2017/2018.

Acceso a o BOP

Aqui tedes o Formulario para facer a solicitude

Comparte

Convocatoria de asemblea ordinaria.

Estimadas familias,
Poñémonos en contacto con vós, co obxecto de convocarvos a unha asemblea ordinaria, o vindeiro mércores, día 7 de xuño, ás 18:30 horas en primeira convocatoria, e ás 19.00 horas en segunda, no salón de actos do instituto, coa seguinte orde día:

  • Lectura e aprobación, se procede, da acta da asemblea anterior.
  • Informe da presidenta.
  • Información e adopción de acordos ao respecto da solicitude de subvencións.
  • Revisión e aprobación anual das contas.
  • Banco de libros.
  • Acordo sobre CONFAPA.
  • Actividades da ANPA para o curso 2017/2018.
  • Asuntos varios.
  • Quenda aberta de intervencións.

A directiva

ANPA OS PAZOS

Comparte

Recollida de aceite

Dende o Voluntariado de Oleiros solicitouse levar a cabo, como en anos anteriores, unha campaña de recollida para o Banco Solidario nos centros de ensino público de Oleiros. Este ano a recollida centraríase nun produto concreto, básico e de moita necesidade para completar outros productos que se entregan habitualmente: o aceite, tanto de oliva como de xirasol.

Para este fin queríamos solicitar a vosa colaboración para a difusión da campaña ás familias polos vosos medios nas redes sociais. A través do alumnado vos chegará unha carta ás familias solicitando a vosa participación. Achegamos o cartel da campaña e a carta que os levarán ás casas para que teñades a información.

A campaña está previsto que dure dende o luns 8 de maio ata o venres 19 de maio. Solicitamos conter a divulgación ata o luns día 8.

Comparte

Apoio a escolarización

Desde o Departamento de Servizos Sociais do Concello de Oleiros informarvos que na Xunta de Goberno Local do Concello de Oleiros de onte xoves aprobáronse as bases e a convocatoria das prestacións de apoio á escolarización para o curso 2017/2018.

Estas axudas son unha das medidas pola inclusión social coas que conta a concellería de Servizos Sociais e Sanidade co obxectivo de apoiar a aquelas familias, nunha peor situación económica, a asumir, neste caso, os gastos extraordinarios que xenera o inicio do curso escolar nunha familia.

As novedades respecto anos anteriores son o incremento das cuantías das axudas así como o límite para acceder ás ditas axudas, ambas medidas permitirá acceder a mais familias e que as axudas recibidas sexan maiores.

Desta forma o importe das axudas para o curso 2017/2018 serán os seguintes:

–       2º ciclo de educación infantil: 70 €

–       Educación primaria: 80 €

–       ESO ou ciclo formativo equivalente: 90 €

–       Bacharelato ou ciclo formativo equivalente: 110 €

Nos próximos días vaise publicar no BOP a dita convocatoria, momento no que se abrirá o prazo para facer as solicitudes. Todas familias serán informadas desta convocatoria a través de cartas entregadas ao alumnado dos centros públicos de Oleiros, ademais de darlle difusión a través dos paneis informativos, web municipal, Radio Oleiros e redes sociais.

Comparte

Xornada “Menores e o mundo dixital”

O uso xeneralizado da internet é unha das grandes revolucións de principios deste século, fomentar o seu uso en todas as disciplinas é unha das aspiracións da educación actual, pero estas cuestións tan positivas débense acompañar dunha educación sobre o que significa a privacidade e a confiabilidade, a proteción de datos, a propiedade intelectual, o uso das redes sociais, Chat, navegación por Internet, uso do correo electrónico, foros, xogos online.etc e todo isto é do que falaremos nesta xornada que cremos vai ser de gran utilidade e aprendizaxe.

O cartaz  inclúe  “codigo qr” que enlaza co noso formulario de suscrición. É moi cómodo para non tener que escribir no móvil a dirección web.

Comparte

Obradoiro de comunicación e xestión emocional

Dende a concellería de Servizos Sociais do Concello de Oleiros recibimos unha información que creemos pode ser de interese para as familias: o próximo luns 20 de marzo, a partir da 10:00 h, ábrese o prazo de inscrición a través da web municipal para a 2ª edición do Obradoiro “Comunicación e xestión emocional no entorno familiar

Comparte