Archivo de la categoría: Sin categoría

VII Andaina contra a Violencia de Xénero

Bo día!

Dende a concellería de Servizos Sociais queremos invitarvos a participar na VII Andaina contra a Violencia de Xénero que organiza o Consorcio As Mariñas arredor da Ría do Burgo o sábado 24 de novembro con motivo do Día Internacional contra a Violencia de Xénero.

Esta andaina está organizada e apoiada por todos os concellos co obxeto de amosar o rexeitamento de todas as veciñas e veciños das Mariñas ao maltrato, á violencia e á desigualdade de xénero.

É unha andaina de carácter inclusivo e accesible en todo o seu percorrido co obxectivo de que participe toda a sociedade dende a xente maior aos nenos e nenas de cada familia.

A saída é ás 10:30 h na Casa das Palmerasxunto á ponte do Burgo, pola parte de Cambre, onde está a marquesina grande da parada do bus. Dende ás 10:00 h estaremos dando a benvida ás persoas participantes para poder iniciar á andaina puntualmente.

A andaina rematará no CEIP Portofaro, tamén en Cambre, a carón da ría, sobre as 12:30 h, onde se leerá un manifesto contra a violencia de xénero.

Podedes participar facendo toda a andaina, unha parte ou achegándovos á súa chegada ao CEIP Portofaro. Achego a imaxe do cartel anuncindo a andaina e outro co percorrido en formato JPG para poder compartir polo whatsapp mais fácilmente.

Por favor compartide esta información coas familias dos vosos centros para tentar que sexa masivo e visible o rechazo á violencia de xénero por parte de toda a sociedade, nun ano como este 2018 onde, tras o 8M, penso que se inciou un camiño real e consciente pola igualdade que xa non ten volta atrás e no que debemos ser todas e todos partícipes, tendo a responsabilidade de transmitilo tamén aos nosos fillos e fillas.

Moitas grazas coma sempre pola vosa colaboración. Unha aperta

nacho

Ignacio Crespo López

Concelleiro de Servizos Sociais e Sanidade

https://www.facebook.com/servizossociaisoleiros

Comparte

Mobile Week Coruña

Boas tardes.

Xuntamos programa da Mobile Week Coruña que vaise celebrar na Coruña e outras localidades. Parécenos unha actividade interesante para os nenos, xóvenes e adultos, relacionada coas novas tecnoloxías.

Saúdos

ProgWeekCoruna_borrador_es

Comparte

Campaña QUEN DIXO MEDO? Deputación da Coruña. Difusión “Aprendemos xunt@s. Charla Afectividade sexualidade”

Estimados Señores e Señoras:

A violencia de xénero converteuse nos últimos anos nunha lacra social, que afecta a toda a sociedade, a todos e todas por igual. Ante esta situación, debemos reaccionar; primeiro, recoñecendo que o problema existe e persiste, analizando os motivos que a causan para finalmente actuar contra ela de xeito contudente e decidido.

Ante estas situacións, o medo non pode ser unha opción; como individuos non podemos ter medo a denunciar a violencia, a actuar contra ela ou a protexer ás vítimas que a sofren. O medo é un elemento coactor que nos impide apreciar obxectivamente os problemas que nos rodean, por iso compre superalo.

Nace así campaña “ Quen dixo medo?” unha  campaña impulsada pola Deputación da Coruña encamiñada á sensibilización e prevención da violencia de xénero e a dotar á poboación dos mecanismos, coñecementos e habilidades precisos para detectar as súas diversas manifestacións.

No presente proxecto, participan os concellos pertencentes á provincia da Coruña con menos de 20000 habitantes, nos que se desenvolverán durante os anos 2017-2018 accións de carácter formativo, coeducativo e informativo.

Nesta ocasión, temos o pracer de convidalos e convidalas a unha charla informativa sobre afectividade e sexualidade, facetas fundamentais na vida das persoas que cobran especial relevancia na etapa da adolescencia. Resulta fundamental por tanto, desenvolver unha ética social que permita establecer relacións baseadas na igualdade, responsabilidade, e no respecto á diversidade sexual e de xénero, ao tempo que se eliminan as crenzas e prexuízos infundados en torno á sexualidade.

Dito evento terá lugar no concello de Sada, día 28 de novembro, no Salón de usos múltiples do IES Isaac Díaz Pardo. Sada. Horario de 19:00 a 20:30.

Esperamos contar coa súa participación e agradecemos de antemán a súa colaboración.

Reciban un cordial saúdo.

Díptico charla afectividade-sexualidade (1)

cartel charla volta ao cole disciplina positiva (1)

 

Comparte

Reunión Inmersión lingüística English Club

Desde la actividad extra-escolar del English Club se va a realizar una inmersión lingüística en Irlanda en el mes de julio 2019.Está orientado a alumnos y alumnas de 4 ESO, 1º y 2º de BAC.

El próximo martes 13 de noviembre a las 16.30 habrá una reunión informativa en el aula de inglés.

CARTEL BACH NUEVAS FECHAS (2)

Comparte

Obradoiro Concello de Oleiros

Bo día familias!

Acompañando na adolescencia ou cómo sobrevivir ao Big Bang emocional é o Obradoiro que a concellería de Servizos Sociais vai poñer en marcha no mes de novembro para as familias de Oleiros con rapaces ou rapazas entre 12 e 18 anos.

As inscricións serán a través da web municipal www.oleiros.org, na sede electrónica, no apartado cidadáns e empresas, en trámites on linea partir das 10:00 h do xoves 25 de outubro e ata o luns 29 de outubro ás 14:00 h.

As prazas adxudicaranse por orde de inscrición. O número de prazas por obradoiro é de 15 persoas.

O obradoiro ten como obxectivo dotar de ferramentas aos pais e nais de menores adolescentes para acompañalos nesa difícil etapa da vida, na que se cuestionan as referencias e a autoridade e se constrúe o que será a súa identidade.

Hai un grave risco de perder a comunicación ou de instalarse no conflito permanente, polo que é preciso coñecer algo mais desta etapa e ter unha capacidade de empatía e de comprensión acerca do que están a vivir os nosos fillos e fillas, para estar aí cerca, presentes, acompañando.

O obradoiro terá unha duración de 16 horas, en 8 sesións de 2 horas cada unha que se desenvolverán os martes e os xoves do mes de novembro, de 19.00 a 21:00 h, na casa da Cultura de Perillo.

A metodoloxía proposta para este obradoiro, como é habitual, será con dinámicas vivenciais, participativas e dende unha perspectiva na que o sentido do humor tamén será unha parte importante, xa que é un elemento imprescindible para a xestión emocional nesta etapa.

As docentes encargadas de impartir este obradoiro son Sara Vierna e Virgina Pañeda, dúas profesionais con ampla experiencia e coñecemento tanto neste campo, como na xestión emocional, o mindfullnes, as redes sociais e a perspectiva de xénero. Anteriormente impartiron o de “redes sociais e adolescencia” con moi bos comentarios por parte das familias que acudiron.

Achego tamén o cartel nun formato que permite a súa difusión por redes sociais e whatsapp.

Agardamos que esta actividade sexa do voso interés.

Un saúdo

nacho

Ignacio Crespo López

Concelleiro de Servizos Sociais e Sanidade

https://www.facebook.com/servizossociaisoleiros

Comparte

 

15 de outubro 2018

 

Estimadas Familias:

Unha vez mais poñémonos en contacto convosco dende a ANPA “Os Pazos para convocarvos  a unha Asemblea Ordinaria, o  luns 22 de outubro, ás 18:00 horas en primeira convocatoria, e ás 18:30 horas en segunda, no salón de actos do Instituto.

Queremo  insistir na necesidade de que as familias os impliquedes nos procesos educativos dos vosos fillos, xa que é unha responsabilidade como pais e que co traballo de todos     podamos incidir na mellora dos mesmos.

Temas a tratar na Asemblea,

  1. Lectura e aprobación dá acta anterior.
  2. Informe do Presidente (actividades extraescolares, solicitudes de axudas, dotación de recursos ao Instituto, futuros proxectos, etc)
  3. Presentación de contas.
  4. Ampliación da Xunta Directiva y Renovación de cargos.
  5. Rogos e Preguntas.

 

  Esperámosvos cun café !!!!

Xunta Directiva

“ANPA Os Pazos

 

Comparte

Actividades Outubro 2018-19

Á atención das persoas interesadas nas actividades da ANPA:

 

Dende a Xunta directiva da Anpa queríamos comunicar que hoxe martes 2 de outubro comeza a actividade de inglés que organiza dende hai varios anos a Asociación de Nais e Pais do Instituto.

As actividades de técnicas de estudo e bádminton non teñen data fixa de inicio polo momento.

No primeiro caso estamos pendentes de atopar un novo profesional que se encarregue de impartir a clase tras a marcha da profesora do curso pasado.

No caso do bádminton ainda non hai suficientes estudantes para formar o grupo. Mantense aberto o prazo de matrícula ata novo aviso.

INGLÉS (martes de 16:30 a 18:30. Unicamente para alumnos/as de 1º e 2º da ESO). 15 € ao mes socios /20€ ao mes non socios

TÉCNICAS DE ESTUDO (martes 16:30 a 18:00).15 € ao mes socios /20€ ao mes non socios

BADMINTON (mércores 16:00 a 17:00).10 € ao mes socios /15€ ao mes non socios

Desculpade polo retraso a grazas polo voso interese.

A Xunta Directiva da Anpa Os Pazos.

Ficha inscripción act. extraescolares 9-18

Comparte

Aviso Actividade de Inglés

 

Estimados nais e pais,

A actividade de inglés comenza o MARTES, 2 de OUTUBRO.
O prazo de inscricións permanece aberto mentres haxa prazas dispoñibles.

Nas actividades de técnicas de estudo e badminton  aínda non hai grupos formados.

Recordade que ampliamos o  tempo  para facer a inscrición ata o venres día 28 de setembro; para participar e necesario que entreguedes a folla adxunta na secretaria ou no buzón de correos da ANPA. Tamén nola podedes facer chegar por correo electrónico.

Para calquera dúbida ou consulta podedes contactar con nós no enderezo electrónico da ANPA,  info@anpaospazos.com.

Xunta Directiva

ANPA Os Pazos

IES Maria Casares

Comparte

“Cursos de Lengua de Signos” Federación de Asociacións de Persoas Xordas de Galicia

https://www.faxpg.es/

https://www.faxpg.es/matricula-cursos-lse-2018-es.html

Comparte